السلام عليكم✋
مدونة اليوم بتكون افكار لدرس الكسوف والخسوف والفصول الأربعة لمعلمه رياض الاطفال
🌞🌙
🌞🌙
*البدايه بيكون تمهيد الدرس توزيع اوراق للتلوين
مثل هاذي الاشكال
وبعدها تسال عن الاشكال اللي بأوراق التلوين
-وش شفنا بالصور ؟
-وش لوننا ؟
-احنا وين نعيش ؟
-من وين تجينا الحرارة ؟
الارض هي الكوكب الذي نعيش فيه وهو يدور حول نفسه 🌍🌍
والارض عندها اصدقاء
اول صديقه للأرض هي الشمس🌞
الشمس : جسم ملتهب (وش معنى ملتهب ؟ ) وش يجينا من الشمس حراره والا بروده ؟ الحرارة يعني ملتهب
وهي تدور حول نفسه
*الارض والشمس عندهم 8 اصدقاء
هم الكواكب ومنهم حجم صغير وحجم كبير
أنشودة عن الكواكب (
)
*اذا راحت الشمس وش يجي ؟
القمر :🌙🌙 هو صديق الارض ودايما يدور معها بس هو مافيه نور (طيب وشو النور اللي نشوفه من القمر ؟ )
القمر زي المرايه يعكس الاشياء هو يعكس نور الشمس (ممكن تمثلين لهم بمرايه وكشاف الجوال )
فيه شي يصير بفترات بعيده بس نشوفه ونحس فيه
اول شيء الخسوف :
قلنا القمر مظلم اذا صارت الارض بالوسط بين الشمس والقمر تغطي نور الشمس ومايقدر القمر يعكس النور وكذا مايوصلنا عكس نور القمر ويحدث الخسوف
ثاني شيء الكسوف :
اذا صار القمر بالوسط بين الارض والشمس يغطي جزء من نور الشمس مايوصل للأرض ومايقدر يغطيها كلها لان الشمس اكبر ويحدث الكسوف
*الحين بعطيكم ورق نلونه مع بعض
وش نشوف بالصور ؟
هاذي اسمها الفصول الاربعه 🍂💐🌞❄️
الصيف : تكون الشمس قويه وحر قوي بس نقدر ناكل ايس كريم
الشتاء : مطر وبرد والشمس مو قويه واحيانا يكون فيه ثلج
الربيع :يطلع الورد والشمس تصير خفيفه
الخريف : ورق الشجر لونه برتقالي ويطيح
الحين نشوف اشياء ونعرف مع بعض باي فصل نشوفها
(عرض رجل الثلج ☃و ورد 💐و صوره شجره الخريف 🍂وصوره الشمس🌞 )
الحين بنشوف أنشودة حلوه
(
)
واخر شيء توزيع الهدايا
^^ هذا شرح بسيط للدرس طبعا مع مراعاه الحركات
-مثلا اذا قلتي يدور حول نفسه تدورين
-او عند الانشوده تقولين معها
الاشياء البسيطه تأثر بالطفل وحماسك وتفاعلك يوصله ويكون الدرس ممتع وغير ممل
ومو شرط تتقيدين بنفس اللي قلت هاذي افكار بسيطه
والحين بوريك صور من تطبيقي لهذا الشرح
صوره للشمس وصوره لشجره الخريف للتعبير عن الفصول + اللوحات الحمراء فيها شرح للكسوف والخسوف وتقدرين تحركينها (القمر سويت له ورقه طويله ونحيفه من ورا الارض وثبتها بدبوس من الوسط عشان تتحرك )
هذا شكلها بالفيديو
بوكس الهدايا اللي بالاخير + بوكس فيه شوكلاته وقت الشرح للاطفال اللي يجاوبون + بوكس بلونات للتوزيع باخر الدرس +رجل الثلج☃ + ورده للتعبير عن فصل الربيع
شكل الهدايا (ورقتين شمس وقمر وحطيت لها العيون المتحركه + شوكلاته )
مجسم رجل الثلج☃
(صنعته بشراب الله يكرمكم و جوا رز )
هاذي ادوات صنع رجل الثلج *نشكر توتو على المشاركه🏻😂😻 *
هذا رابط يوتيوب لطريقه العمل
نماذج بعض اوراق التلوين ✏️🖍
وكنت مع الشرح مسويه عرض بوربوينت فيه الصور اللي يلونون والاناشيد وبعض الصور الاخرى ..
وبالنهاية اتمنى انه الدرس عجبكم وان شاء الله تستفيدون منه 🏻🏻🏻
ماشاءالله ماقصرتي شي يفففففتح النفس ..
ردحذف