السلام عليكم ✋
(هُوَ الَّذِي خَلَقَكُم مِّن تُرَابٍ ثُمَّ مِن نُّطْفَةٍ ثُمَّ مِنْ عَلَقَةٍ ثُمَّ يُخْرِجُكُمْ طِفْلًا ثُمَّ لِتَبْلُغُوا أَشُدَّكُمْ ثُمَّ لِتَكُونُوا شُيُوخًا ۚ وَمِنكُم مَّن يُتَوَفَّىٰ مِن قَبْلُ ۖ وَلِتَبْلُغُوا أَجَلًا مُّسَمًّى وَلَعَلَّكُمْ تَعْقِلُونَ) غافر 67 ...
وقت ظهور الاسنان عند الطفل يحاول يحك مكان الاسنان بيده او اكل او لعبه او أي شئ قاسي
استغلي هذا الوقت وقدمي له بعض انواع الاكل اللي ماتكون قاسيه مره وتفيده ❤️❤️
وبعطيكم بعض الافكار
1- قطعي خبز التوست اصابع وحمريه بالفرن عشان يصير مقرمش وممكن تعطينه معه زبادي يغمس فيه (الاطفال يموتون بالتغميس 😂😂) او عدس مهروس ..
2- بسكويت مخصص للاطفال بهذا العمر وتلقين انواع كثيره ومن شركات مختلفه
3- فيه طرق كثيره للبسكويت وتقدرين تسوينه بالبيت
4- اصابع جزر مسلوقه نص سلقه (ماتكون لينه مره يعني يقدر يمسكها بيده ) او مشويه بالفرن
5 - اصابع بطاطس عاديه او بطاطا حلوه مشويه بالفرن
6- بروكلي او زهره مطبوخه على البخار
7- مكرونه مسلوقه حد الهرس مع زبادي
***حاولي تحطين له تغميسات مع الاكل حتى لو وصخ نفسه وملابسه لكن بيتحمس للاكل
بس مايكون فيها الوان او اشياء تضره
يعني زبادي او لبنه وتكون قليله الدسم
***و انتبهي له من قطع الاكل الصغيره اللي ممكن تسبب له اختناق لا قدر لله
والله يحفظ اطفالنا و اطفالكم ❤️❤️❤️❤️
ليست هناك تعليقات:
إرسال تعليق