السلام عليكم ✋🏻
عملنا اليوم تجديد الدافور بطريقتين
الطريقه الاولى :
استخدام البخاخ للتلوين و الديكوباج للتزيين او استكرات التاتو المؤقت
نشوف الخطوات
اول شيء نشيل الجزء العلوي من الدافور ونقفل مكانه بمنديل وتيب نلفه على الحلقه عشان نحميه من البخاخ واهم خطوة قبل البخ هي الصنفرة
ضروري نسنفره قبل البخ عشان نوخر اي شيء زايد فيه ويكون السطح نظيف وجاهز للبخ
البخ يكون طبقه خفيفه جداً من مسافه بعيده واذا نشف نكرر عشان مايصير البخاخ كتل و يخرب الشكل ونحاول قبل البخ نرفعه على شيء عشان الجزء اللي تحت يتلون
انا حطيت علبه بخاخ عشان يصير فيه مساحه شوي للبخ بس ماصورت هاذي الخطوه
اذا نشف نبدأ التزيين
طبعت اسمي وقصيته وحطيت شوي صمغ ديكوباج على المكان اللي بثبت فيه وحطيت الورقه وبعدين حطيت على الورقه صمغ ديكوباج طبقه خفيف و اسحب من الوسط للاطراف عشان ما يبقى هواء وانتظر ينشف و اكرر
ثبتت على اطراف الاسم تاتو ذهبي و فيونكه بيضاء
ومن الجهه الثانيه كررت نفس خطوات ديكوباج الاسم على صوره البنت والتاتو على الاطراف
وشلت المنديل والتيب و ركبت رأس الدافور
وممكن نسوي نفس طريقه البخ ونستخدم عبارات التاتو
وتحت زينته بتاتو ريشات فضي
و سويت معها كنكه القهوه و فناجين القهوه
الكنكه بنفس طريقه البخ بس وخرت عن مكان الصب
والفناجين سويت بعيده عن مكان الشرب بس ثبتت الصور بصمغ ديكوباج وحطيت تيب على مكان الشرب ورشيتها ورنيش
بس للاسف ما صورت الخطوات
الطريقة الثانية : استخدام الوان اكريليك
بعد الصنفره نلون بطريقة الطبطبه عشان ما يصير كتل طبقه خفيفه من الوان الاكريليك وننتظر تنشف ونكرر حتى نوصل لدرجه اللون المناسبه
بعد طبعت الاسم بخط مناسب لحجم الدافور ومايكون فيه تفاصيل كثير عشان التفريغ
ونثبته بتيب على المكان المناسب ونختار اللون وبنفس طريقة الطبطبه
اشكال لاسفنج الطباعه
وباستخدام اسفنج الطباعه سويت شكل ورده وبفرشه الرسم حطيت نقطة بوسطها
وصار بهذا الشكل وممكن نبخه ورنيش يحافظ على الالوان ويعطي لمعه
بس اذا كان شغلنا نفس الطريقة الاولى بخاخ وتاتو ما ينفع عليه الورنيش يخرب التاتو
وهذا الشكل النهائي بعد الورنيش
وممكن تقديمه هديه
اتمنى يعجبكم ❤️❤️
ليست هناك تعليقات:
إرسال تعليق